नेताबीच फाटो ल्याएर स्वार्थ साध्ने प्रवृत्तिबाट जोगिन सुदन किरातीको आग्रह

1.2k Shares

काठमाडौं । नेकपा माओवादी केन्द्रका नेता सुदन किरातीले नेताहरूबीच द्वन्द्व सिर्जना गराएर आफ्नो स्वार्थ पूरा गर्ने पुरानो प्रवृत्तिबाट सचेत रहन आग्रह गरेका छन्।

उनले राजनीतिक नेतृत्व तथा पार्टीभित्र देखिने असमझदारी र विवादलाई बाहिरी स्वार्थ समूहले आफ्नो हितअनुकूल प्रयोग गर्न सक्ने भन्दै त्यस्ता गतिविधिप्रति सजग हुनुपर्ने बताएका हुन्।

किरातीले नेताहरूलाई आपसमा भिडाउने, अविश्वास बढाउने र व्यक्तिगत तथा गुटगत द्वन्द्वलाई चर्काउने प्रवृत्तिले राजनीतिक आन्दोलन र संगठनलाई कमजोर बनाउने धारणा राखेका छन्। उनका अनुसार विगतमा पनि नेताहरूबीचको विवादलाई उपयोग गर्दै विभिन्न स्वार्थ पूरा गर्ने प्रयासहरू हुँदै आएका छन्।

उनले राजनीतिक नेतृत्वले आपसी मतभेदलाई संवाद र समझदारीमार्फत समाधान गर्नुपर्नेमा जोड दिएका छन्। व्यक्तिभन्दा संगठन, पार्टी र राजनीतिक उद्देश्यलाई प्राथमिकतामा राखेर अघि बढ्न सके मात्रै यस्ता प्रवृत्तिलाई निरुत्साहित गर्न सकिने उनको भनाइ छ।

किरातीले राजनीतिक दल तथा नेताहरूबीचको सम्बन्धमा अविश्वास सिर्जना गर्ने गतिविधिबाट सचेत रहँदै जनताको हित र राजनीतिक स्थायित्वलाई केन्द्रमा राखेर अघि बढ्नुपर्ने बताएका छन्।

सम्बन्धित समाचार