आयल निगमले आज ग्यास वितरण नगर्ने

890 Shares

नेपाल आयल निगमले आज एलपी ग्यास वितरण नगर्ने जनाएको छ। निगमले ग्यासको आपूर्ति तथा वितरण व्यवस्थापनमा देखिएको अवस्थालाई ध्यानमा राख्दै आजका लागि ग्यास नबाँड्ने निर्णय गरेको हो।

निगमले उपभोक्तालाई आफ्नो पायक पर्ने ग्यास विक्रेताबाट आवश्यकताअनुसार ग्यास खरिद गर्न अनुरोध गरेको छ। साथै, उपभोक्ताले अनावश्यक रूपमा ग्यास सञ्चय नगर्न र सहज रूपमा उपलब्ध हुने विक्रेताबाट खरिद गर्न आग्रह गरिएको छ।

ग्यास वितरणमा देखिएको असहजता क्रमशः समाधान गर्दै नियमित आपूर्ति व्यवस्था मिलाइने निगमले जनाएको छ। उपभोक्ताले ग्यासको कृत्रिम अभाव सिर्जना हुने गरी धेरै सिलिन्डर भण्डारण नगर्नसमेत अनुरोध गरिएको छ।

 
 
 
सम्बन्धित समाचार