रसुवागढी जलविद्युत् आयोजनाको सुरुङमा खोजी गर्दा कोही फेला परेन, सेनाको टोली धुन्चे फर्कियो
967
Shares
रसुवा । रसुवागढी जलविद्युत् आयोजनाको सुरुङमा फसेका व्यक्तिको खोजीमा परिचालन गरिएको नेपाली सेनाको टोलीले खोजी गर्दा कोही पनि फेला पार्न सकेन। खोजी अभियानपछि सेनाको टोली धुन्चे फर्किएको छ।
भोटेकोसी नदीमा आएको भीषण बाढीपछि आयोजनाको सुरुङमा कामदार फसेको आशंकामा नेपाली सेना, नेपाल प्रहरी र सशस्त्र प्रहरीको टोलीले खोजी तथा उद्धार अभियान सञ्चालन गरेको थियो।
सुरुङभित्रको अवस्था जोखिमपूर्ण रहेकाले उद्धार टोलीले सावधानीपूर्वक खोजी गरेको थियो। सुरुङका विभिन्न भागमा पुगेर निरीक्षण तथा खोजी गर्दा मानवीय उपस्थिति फेला नपरेपछि टोली धुन्चे फर्किएको हो।
भोटेकोसी बाढीका कारण रसुवागढी जलविद्युत् आयोजनासहित जिल्लाका विभिन्न जलविद्युत् आयोजना तथा संरचनामा क्षति पुगेको छ। बाढीपछि सुरुङ तथा निर्माणस्थलमा कार्यरत केही कामदार सम्पर्कविहीन भएको आशंकामा विभिन्न स्थानमा खोजी कार्य जारी छ।
सुरक्षा निकायले बाढी प्रभावित क्षेत्रमा बेपत्ता तथा फसेका व्यक्तिको खोजीलाई तीव्रता दिइरहेको छ। पछिल्लो समय सुरुङ उद्धारमा विशेषज्ञ टोलीसमेत परिचालन गरी विभिन्न आयोजनाका सुरुङमा खोजी भइरहेको छ।