लालबन्दी सिटी लियो क्लबद्वारा आश्रममा कपडा सहयोग

4.3k Shares

लालबन्दी सिटी लियो क्लबद्वारा आश्रममा कपडा सहयोग
सर्लाहीको लालबन्दी नगरपालिका २, जुटपानीमा रहेको पद्म–भुवनेश्वरी नमूना वृद्ध सेवाश्रममा सोमवार(आज) लालबन्दी सिटी लियो क्लबले कपडा सहयोग गरेको छ ।
क्लबले नेपालीहरुको महान पर्व वढा दशैँ, शुभ दिपावली तथा  छठको अवसर पारेर आश्रमका वृद्धवृद्धालाई २७ थान साडी, १५ थान बर्को र २ थान भेष्टपाइन्ट प्रदान गरेको  लायन्स क्लब अफ लालबन्दीका पुर्व अध्यक्ष राज कुमार न्यौपानेले जानकारी दिनु भयो ।
कपडा वितरण कार्यक्रममा लालबन्दी सिटी लियो क्लबका अध्यक्ष सन्नी कुमार गुप्ता, लायन्स क्लब अफ लालबन्दी सिटीका अध्यक्ष विकल जर्गा मगर, लायन्सका पूर्व अध्यक्ष न्यौपाने लगायतको उपस्थिति रहेको थियो ।
केही बालबालिका र वृद्धवृद्धासहित ४० जनाभन्दा बढी आश्रममा आश्रय लिएर बसिरहेका नागरिकहरुका लागि दिनहुँजसो सहयोग प्राप्त भइरहँदा आश्रम संचालनमा निकै टेवा पुगिरहेको आश्रमकी अध्यक्ष भवानी कोइरालाले बताउनु भयो ।
यसैगरी क्लबले विभिन्न अवसर पारेर विभिन्न सामाजिक काम गर्दै आएको छ । गरीविको जीविकोपार्जन  ,आयआर्जन लगायतका क्षेत्रमा समेत काम गर्दै आएको क्लबले केही समय पहिला लालबन्दकिा विभिन्न स्थानमा जीविकोपार्जनका लागि भन्दै बाख्रा समेत वितरण गरेको थियो ।

सम्बन्धित समाचार