सर्लाहीमा कांग्रेसको पालिका स्तरीय समितिले उम्मेद्वारको नाम सिफारिस गर्न नमिल्ने सभापति सिंहको भनाई

4.2k Shares

नेपाली कांग्रेस सर्लाहीमा पालिका स्तरीय संयन्त्र नभएकाले नगर वा गाउँपालिका समितिले उम्मेद्वारहरुको सिफारिस गर्न नमिल्ने भएको छ । नेपाली कांग्रेस सर्लाहीका सभापति सुरेन्द्र प्रसाद सिंहले सर्लाहीमा पालिका स्तरीय संयन्त्र नभएकाले नगर वा गाउँपालिका समितिले उम्मेद्वारहरुको सिफारिस गर्न नमिल्ने बताउनु भएको हो ।
उहाँले सर्लाहीमा पालिका स्तरीय नगर वा गाउँपालिका समितीको अधिवेशन नभएकाले पूरानो समितिले उम्मेद्वारहरुको नाम सिफारिस गर्न नमिल्ने बताउनु भयो । वडा समितिले प्रदेश कार्यसमिति तथा प्रदेशले क्षेत्रीय कार्यसमिति समक्ष र क्षेत्रीय कार्यसमितिले जिल्ला कार्यसमितिलाई बैठकको निर्णयको प्रतिलिपी सहित समितिको लेटरप्याडमा लेखेर उम्मेद्वारहरुको नाम सिफारिस गर्नुपर्ने प्रावधान रहेको सभापति सिंहले बताउनु भयो ।
कबिलासी नगर समितिले आईतबार कबिलासी नगरपालिकामा  नगर प्रमुखका लागि ८ जना र उप प्रमुखका लागि ३ जनाको नाम सिफारिस गर्ने निर्णय गरेको थियो । कबिलासी नगर समितिका सभापति राजकुमार साहको अध्यक्षता बसेको बैठकमा नगरका १० वटै वडाका वडा सभापतिहरुको उपस्थितीमा भएको बैठकले नगर प्रमुख र उप प्रमुखको नाम सिफारिस गरेको थियो ।

सम्बन्धित समाचार