संविधान दिवसको अवसरमा भएको रक्तदानमा १९ जनाले गरे रक्तदान,मुख्य दिन सोमबार जिल्लाभर वृक्षरोपण, सरसफाई, दीप प्रज्वलन गरिने

2.1k Shares

सर्लाही सदरमुकाम मलङ्गवामा संविधान दिवसको अवसर पारेर आइतबार आयोजित रक्तदान शिविरमा १९ जनाले रक्तदान गरेका छन् । संविधान दिवस मूल समारोह समिति सर्लाहीको आयोजनामा प्रादेशिक अस्पताल मलङ्गवाको परिसरभित्र आयोजित रक्तदान शिविरमा १९ जनाले रक्तदान गरेका हुन् । 
संकलित रगत नेपाल रेडक्रस सोसाइटी मलङ्गवा शाखाले अस्पताल परिसरमै सञ्चालन गरिरहेको रक्तसञ्चार केन्द्र (ब्लड) बैंकमा राखेको छ । प्रमुख जिल्ला अधिकारी थानेश्वर गौतम,जिल्ला समन्वय समिति सर्लाहीका उपप्रमुख जितेन्द्रकुमार महतो,सुरक्षा निकायका प्रमुखलगायतको उपस्थितिमा आइतबार बिहान रक्तदान शिविर उद्घाटन गरिएको हो ।
संविधान दिवसको अवसरमा असोज २, ३ र ४ गते विभिन्न कार्यक्रम आयोजना गर्ने संविधान दिवस मूल समारोह समितिले निर्णय गरेको सर्लाहीका प्रमुख जिल्ला अधिकारी गौतमले बताए । सोही निर्णय अनुसार सोमबार संविधान दिवसकै मुख्यदिन जिल्लाभर वृक्षरोपण, सरसफाई, दीप प्रज्वलनलगायतका कार्यक्रम हुने प्रमुख जिल्ला अधिकारी गौमतले बताए । संविधान जारी भएको दिन असोज ३ लाईहरेक वर्षसंविधान दिवश मनाउने गरिएको छ ।

सम्बन्धित समाचार