रविको मुद्दामा आदेश आउँदै, रास्वपाका एक दर्जन शीर्ष नेता अदालतमा

1.7k Shares

माघ २, काठमाडौँ । काठमाडौंको स्वर्णलक्ष्मी सहकारी ठगी प्रकरणमा रास्वपाका सभापति रवि लामिछानेको मुद्दामा थुनछेक बहस आज सकिएको छ । बहस सकिएसँगै यसबारे आजै आदेश आउने भएको हो।न्यायाधीश माधव अधिकारीको इजलासमा तीन दिनदेखि भइरहेको थुनछेक बहस आज सकिएसँगै साँझसम्म आदेश आउने अदालत स्रोतले जनाएको छ । 
जिल्ला अदालत काठमाडौंमा जारी बहसमा आज रविको तर्फबाट वरिष्ठ अधिवक्ता सुशील पन्त र रमण श्रेष्ठले बहस गरे।

काठमाडौं अदालत परिसरमा रास्वपा कार्यवाहक सभापति डिपी अर्याल, सांसदहरू सोबिता गौतम, चन्दा कार्की, हरि ढकाल, नेता दीपक बोहरा र रमेश प्रसाईंलगायत पनि उपस्थित छन्।

काठमाडौंको कालीमाटीस्थित स्वर्णलक्ष्मी बहुउद्देश्यीय सरकारी संस्थाको रकम अपचलन गरेको अभियोगमा लामिछानेसहित ३९ जनालाई प्रतिवादी बनाइएको छ ।

सम्बन्धित समाचार