प्रतिनिधिसभा बैठक १५ मिनेटका लागि स्थगित

3k Shares

काठमाडौं, १७ चैत्र । संघीय संसद्अन्तर्गत प्रतिनिधि सभाको बैठक सुरु हुनेबित्तिकै प्रतिपक्षी दलहरुले अवरोध गरेका छन् । सभामुख देवराज घिमिरेले बैठक प्रारम्भ भएको घोषणा गर्नासाथ प्रमुख प्रतिपक्षी दलहरु नेपाल कम्युनिस्ट पार्टी (माओवादी केन्द्र), राष्ट्रिय स्वतन्त्र पार्टी (रास्वपा) र राष्ट्रिय प्रजातन्त्र पार्टी (राप्रपा)का सांसदहरुले अघिल्ला बैठक जस्तै प्रधानमन्त्रीको जवाफ माग गर्दै अवरोध गर्नुभयो ।

प्रतिपक्षी दलले अवरोध गरेपछि सत्तापक्ष दलका सांसदहरुले पनि सदन सञ्चालनका लागि दबाब दिदै आ–आफनो ठाँउबाट उठ्नुभएको थियो । त्यसपछि सभामुख घिमिरेले दुवै पक्षलाई आफ्नो स्थान ग्रहण गरी सभा सञ्चालनका लागि वातावरण बनाउन पटक पटक आग्रह गर्नुभयो ।

दुवै पक्षले आफ्नो अडान कायम राखेपछि सभामुख घिमिरेले बैठक१५ मिनेटको लागि स्थगित गरेको घोषणा गर्नुभयो । 

सम्बन्धित समाचार