2.1k
Shares
हिमालपारिको जिल्ला मनाङमा समुद्री सतहबाट ४,९१९ मिटर उचाइमा रहेको विश्वकै उच्च तालहरूमध्ये एक तिलिचो ताल अझै हिउँले ढाकिएको अवस्थामा रहेको छ ।
यस मौसममा ताल अवलोकनका लागि सीमित संख्यामा मात्र आन्तरिक पर्यटक पुगेका छन् । कठिन मौसम र उच्च उचाइका कारण यात्रा चुनौतीपूर्ण बनेको स्थानीयहरूले बताएका छन् ।

स्थानीय व्यवसायीका अनुसार अघिल्लो वर्षको तुलनामा यस वर्ष विदेशी पर्यटकको आगमन उल्लेखनीय रूपमा घटेको छ । मौसमीय असहजता र आवागमनमा कठिनाइले पर्यटन क्षेत्रमा प्रत्यक्ष असर पारेको उनीहरूको भनाइ छ ।
यद्यपि आन्तरिक पर्यटकको उपस्थिति भने केही मात्रामा देखिएको छ, तर अपेक्षाअनुसारको पर्यटक आगमन नहुँदा स्थानीय पर्यटन व्यवसाय सुस्त बनेको छ ।