प्रधानमन्त्रीको अनुपस्थितिले संसद्को निरन्तरता भंग भयो : रास्वपा

1.2k Shares

काठमाडौं । राष्ट्रिय स्वतन्त्र पार्टीले प्रधानमन्त्री संसद्मा उपस्थित नभएको विषयलाई लिएर सरकारको आलोचना गरेको छ । प्रतिनिधिसभाको बैठकमा बोल्दै रास्वपाका सांसदहरूले प्रधानमन्त्रीको अनुपस्थितिले संसद्को कामकारबाहीमा निरन्तरता भंग भएको बताएका हुन् ।

नीति तथा कार्यक्रममाथिको छलफलका क्रममा प्रधानमन्त्री स्वयं उपस्थित भएर सांसदहरूले उठाएका प्रश्नको जवाफ दिनुपर्ने रास्वपाको माग थियो । तर प्रधानमन्त्री उपस्थित नभएपछि रास्वपाले त्यसलाई संसद्प्रतिको गैरजिम्मेवार व्यवहारको संज्ञा दिएको छ ।

रास्वपाका सांसदहरूले प्रधानमन्त्रीको अनुपस्थितिमा अन्य मन्त्रीमार्फत जवाफ दिन खोज्नु उचित नहुने बताएका छन् । उनीहरूले संसद् जनताप्रति उत्तरदायी संस्था भएकाले सरकार प्रमुख स्वयं उपस्थित भएर जवाफ दिनुपर्ने धारणा राखे ।

संसद्मा बोल्दै रास्वपाका सांसदहरूले प्रधानमन्त्री अनुपस्थित रहनुले सरकार संसद्को महत्व घटाउन खोजिरहेको सन्देश गएको टिप्पणी गरे । उनीहरूले प्रधानमन्त्री संसद्मा नआउनु लोकतान्त्रिक अभ्यास र संसदीय मर्यादाविपरीत भएको बताए ।

रास्वपाले प्रधानमन्त्रीको अनुपस्थितिले नीति तथा कार्यक्रममाथिको छलफल प्रभावहीन बनेको पनि उल्लेख गरेको छ । सांसदहरूले उठाएका गम्भीर विषयमा प्रत्यक्ष जवाफ आउन नसक्दा संसद्को प्रभावकारिता कमजोर बनेको उनीहरूको भनाइ थियो ।

पछिल्लो समय प्रधानमन्त्री संसद्मा उपस्थित नभएको विषयलाई लिएर विपक्षी दल तथा केही साना दलहरूले निरन्तर विरोध जनाउँदै आएका छन् । यसअघि पनि संसद्मा प्रधानमन्त्रीको उपस्थितिको माग गर्दै नाराबाजी र अवरोधसमेत भएको थियो ।

 
सम्बन्धित समाचार