नेपालले पनि भारतका केही ठाउँमा जग्गा मिचेको छ: प्रधानमन्त्री
1.4k
Shares
काठमाडौँ । प्रधानमन्त्री बालेन्द्र शाह (बालेन) ले नेपालले पनि भारतका केही क्षेत्रमा जग्गा मिचिएको अवस्था रहेको बताएका छन्। सांसदहरूले सोधेका प्रश्नहरूको जवाफ दिने क्रममा उनले यस्तो अभिव्यक्ति दिएका हुन्।
प्रधानमन्त्री शाहले सीमा विवादका विषयहरू एकतर्फी रूपमा मात्र नहेरी ऐतिहासिक र दुवै पक्षीय दृष्टिकोणबाट अध्ययन गर्नुपर्ने आवश्यकता रहेको उल्लेख गरे। उनले नेपाल–भारत सीमा सम्बन्धमा विभिन्न स्थानमा प्राविधिक र ऐतिहासिक अस्पष्टता रहेका कारण समस्या देखिँदै आएको बताए।
उनका अनुसार सीमा विवाद समाधानका लागि तथ्य, अभिलेख र इतिहासविद्हरूको सहभागितासहित प्राविधिक छलफल आवश्यक छ। उनले यस्ता विषयलाई कूटनीतिक माध्यम र संवादमार्फत समाधान गर्नुपर्नेमा जोड दिएका छन्।
प्रधानमन्त्री शाहको यो अभिव्यक्तिपछि सीमा सम्बन्धी विषयलाई लिएर संसदभित्र र बाहिर थप बहस सुरु हुने देखिएको छ। विभिन्न राजनीतिक दल र सरोकारवालाले यसलाई कूटनीतिक दृष्टिकोणबाट संवेदनशील विषयका रूपमा लिने अपेक्षा गरिएको छ।
सरकारले सीमा विवादका विषयमा भारतसँग संवाद जारी राख्ने र आवश्यक परे प्राविधिक समिति तथा इतिहासविद्हरूको सहयोग लिने नीति अघि बढाइरहेको प्रधानमन्त्रीको भनाइ छ।