रास्वपाको पहिलो महाधिवेशनमा छुटे तीन संस्थापक

2.2k Shares

चितवनमा जारी राष्ट्रिय स्वतन्त्र पार्टी (रास्वपा) को पहिलो महाधिवेशनमा पार्टी स्थापना कालका तीन चर्चित संस्थापक सदस्य अनुपस्थित भएका छन्। पार्टीको कार्यशैलीप्रति असहमति जनाउँदै यसअघि नै रास्वपा छोडिसकेका कारण उनीहरू महाधिवेशन प्रक्रियाबाट बाहिरिएका हुन्।

महाधिवेशनबाट छुटेका तीन संस्थापक हुन्–

  • मुकुल ढकाल – रास्वपाका पूर्वप्रवक्ता तथा महामन्त्री। पार्टी स्थापनादेखि संगठन निर्माणमा सक्रिय रहेका ढकाललाई पछि अनुशासन उल्लङ्घनको आरोपमा कारबाही गरिएको थियो।
  • सुमना श्रेष्ठ – पूर्व सहमहामन्त्री तथा समानुपातिक सांसद। पार्टीको कार्यशैलीप्रति असन्तुष्टि जनाउँदै उनले रास्वपा परित्याग गरेकी थिइन्।
  • सन्तोष परियार – संस्थापक सदस्यमध्येका एक परियार हाल अर्को राजनीतिक दलमा आबद्ध छन्।

रास्वपाले असार ७–९ गते चितवनमा आफ्नो पहिलो राष्ट्रिय महाधिवेशन आयोजना गरेको हो। पार्टी नेतृत्वले संस्थापक सदस्यहरूलाई सम्मानजनक रूपमा समेट्ने तयारी गरे पनि पार्टी छोडिसकेका यी तीन नेता भने महाधिवेशनको हिस्सा बन्न सकेनन्।

सम्बन्धित समाचार